Vá hvað það er búið að vera geggjað veður.   

Hmm ræktin já.. úfff búið að vera alveg klikkað að gera hjá mér.. bæði í vinnunni og svo bara í fjölskyldunni..

þetta labbi tæki keypti ég í Intersport. og já ég er nú eitthvað búin að vera að nota það.. nema hvað.  ég fór svo að lesa leiðbeininga bæklinginn sem fylgir því og þá stendur að það þolir max 80 kg   og ég er alveg yfir 100 kg.  ég meina skrítið að gaurinn sem seldi mér það hafi verið svona ákafur að selja mér það þegar það sést alveg langar leiðir að ég er sko þyngri en 80 kg.  Þannig að ég er varla að þora að nota það en hef samt verið að stelast smá.

Síðustu daga er ég semsagt búin að vera að stelast til að nota þetta labbi tæki.. og lyfta lóðum heima og gera magaæfingar.

Ætla að klára þennan metasys skammt.. kanski gerist eitthvað síðasta daginn hver veit nema að kílóin hrinji af mér.

En jæja stopp núna.

Jæja.. ég var búin að skrifa þessa svaka færslu um daginn og hún bara hvar ekki gaman.

En jæja.. ég fór út í búið og keypti mér metasys töflur.. eftir að vera búin að lesa mér mikið til um þær þá ákvað ég að prófa þær.  Jæja.. núna er ég búin að taka þær í 3 vikur samviskusamlega.. hreyfi mig reglulega.. drekk mikið vatn.. búin að minka nammiát og gosdrykkju ( ákvað að minka við mig fyrst þar sem ég er svo mikill nammifíkill ) og hvað haldið þið.. ég er búin að ÞYNGJAST um 2 kg. hmmm ekki alveg það sem ég vildi

Er bara ekki alveg að skilja þetta.. ég veit alveg að ég er búin að breyta miklu hjá mér.. auðvitað eru enþá gallar í mataræðinu hjá mér.. en vá .. þegar ég borðaði miklu óhollara en ég geri í dag þá þyngdist ég ekki neitt.  Eru þetta kanski svona töflur sem láta mann bara FITNA ?? 

En jæja baráttan við aukakílóin halda áfram... búin að fara nokkrum sinnum í sund.. og vá hvað það er gott að synda.. af hverju gleymir maður þvi alltaf ??

Keypti mér tæki heim.. þetta er svona stigvel. semsagt stend á þessu og stíg upp og niður.. reynir fullt á rassinn.. og lærin og bara allt.  Fer á það á hverjum morgni fyrir vinnu.

hmm ekkert meir í bili

Vona bara að viktin ykkar viti að hún eigi að fara niður en ekki upp

Takk fyrir uppbyggileg orð.

 

Siðustu daga hef ég verið að hugsa minn gang og lesa bækur um heilsu, mataræði og breyttn lífsstíl.  Þó þetta hafi bara verið nokkrir dagar þá líður mér eins og þetta hafi verið margar vikur.

Ég talaði við frænku mina og ætlar hún að hjálpa mér af stað aftur.  Við ætlum að fara saman í ræktina, og vera duglega að peppa hvor aðra og passa vel upp á matinn.

Það eru einungis 6 vikur í ferðina út til spánar.. og ætla ég að nota þessar 6 vikur vel.

Ég er nýkomin úr ræktinni og lýður alveg frábærlega vel.

Já.. ég er eiginlega að gefast upp núna.  Sko.. þetta er alltaf svona hjá mér... ég byrja vel og huga að mataræðinu.  en núna langar mig bara í nammig og ég borða bara nammi og mig langar svo í ræktina en ég bara fer ekki.. ég veit ekki af hverju ég er að gera þetta .  Sko ég er að fara út eftir 8 vikur eða svo. og mig langar svo að vera flott þegar ég fer á ströndina.. meir að segja búin að kaupa mér geggjaðan sumarkjól.. og ég bara veit ekki hvað ég á að gera..

Mig langar að vera mjó.. en ég er ekki að nenna þessu.. af hverju get ég ekki staðið upp og farið að sippa .. eða út að hjóla.. eða bara drullað mér í ræktina. Sko það var alveg vitað hjá mér að ég ætlaði ekki að breyta alveg mataræðinu mínu.. oki stoppa allt gos og minka nammi.. en ef eitthvað er þá er það bara búið að aukast hjá mér.

Stelpur , hvað á ég að gera ?

ég er bara gráti nær, ég borða meir að segja nammi sem mér finnst vont. en ég borða það samt.. og viktin fer bara upp..

ég er að gefast upp.. samt langar mig ekki að gefast upp.. mig langar svo að vera mjó og sæt, og geta keypt mér falleg föt og vera bara viðurkennd af samfélaginu.

 

að ég væri búin að gefast upp ??

 

Nei ekki alveg.. ég er búin að vera dugleg í ræktinni og að hreyfa mig.. er meir að segja búin að missa samtals 1 kg frá þvi ég byrjaði já það er lítið, en það er í áttina

Ég er búin að vera svo svakalega upptekin.  Mikið búið að vera að gera í vinnunni.. mikið búið að vera að gera hjá mér í einkalífinu.  úfff.

það var samt komin smá uppgjöf í mig.. sérstaklega þar sem skórnir mínir voru orðnir svo svakalega lélegir.. en ég er búin að bæta úr því.  Fór og keypti mér nýja skó í gær, nýja Nike air.  Svakalega góðir.. þannig að núna ætti ég að vera tilbúin til að losa mig við hin 20 kg eða meir

 

Mataræðið er hið sama hjá mér.  hollt og gott frameftir degi.. en svo fer allt í vaskinn.. þarf að skoða þetta betur hjá mér.

Góða helgi

Já .. ég fór að hugsa um þessi blessuðu markmið sem ég setti mér.. og ég er komin með nýtt og enn betra.  þannig er að fyrir ári síðan keypti ég mér alveg geggjaðar gallabuxur.. sem ég hef aldrei farið í    jamms aldrei farið í þær.. og semsagt markmiðið mitt er að komast í þær í sumar.. reyndar eru þær númer 16 og ég nota í dag nr 20.  En þetta gæti tekist hjá mér.   Ég meina eru ekki bara um 15 kg milli stærðar 16 og 20 ???

jæja .. ekki var nú mikil hreyfing um helgina.. nema heimilisstörf falli undir hreyfingu

Fór reyndar í langann hjólatúr í gærkvöldi.. svakalega gaman.. og gaman hvað ég var fljót að ná þessu   krakkanir skemmtu sér alveg svakalega vel að fara að hjóla svona með mömmu sinni. 

Fór ekki í ræktina í dag.. var með alveg svakalegan höfuðverk þegar ég var búin að vinna.  En ætla að bæta mér það upp á morgu, ætla að skella mér í brennslu snemma í fyrramálið.  og svo er viktunardagur á morgun.. hehe.. vona að hún hafi nú farið eitthvað niður.    Þetta kemur smátt og smátt hjá mér.. Góðir hlutir gerast hægt.

Vona að vigtin verði góð við ykkur þessa vikuna.

Ákvað að hvíla vöðvana í dag ( gær ). og fór ekki í ræktina.  En í staðin fór ég í hagkaup og keypti mér hjól.. jamms fór og keypti mér svakalega flott hjól.. Þannig að núna get ég farið að hjóla með krökkunum. 

Prófaði að sjálfsögðu hjólið , hef ekki hjólað heillengi, en þetta var nú fljótt að koma.

Mataræðið er alltaf það sama.

Fruit'n fibre + lýsi í morgunmat.

Reyndar ákvað ég að sleppa sallatinu.. og fékk mér roasebeef samloku, og smá lauksúpu.

Man reyndar ekki hvað ég fékk í kvöldmat.. held að ég hafi nú bara gleymt honum.. það var svo mikið um að vera hjá mér í kring um kvöldmataleytið.

kv.

Jamm ég steig á viktina í morgun... og hún hafði farið niður um 200 grömm sem ég er bara mjög sátt við.. sérstaklega þar sem síðustu dagar hafa einkennst af fermingarveilsum og brjáluðum grill og átveislum.  Vá.. ég hef bara ekki borðað eins mikið af kjöti  í ansi langan tíma..  

Síðustu tvö daga er ég svo búin að fara í ræktina.. í gær lyfti ég og fór eftir planinu og í dag fór ég í ansi góðan tíma sem heitir Shape.  og reikna ég fastlega með harðsperrum á morgun

Mataræðið þessa vikuna er svo búið að vera ágætt.. þetta vanalega í morgunmat.. fruit'n fibre og lýsi .. og svo grænmeti og ávextir í hádeginu.  í gær var reyndar lax hjá mér í kvöldmat.. en núna var það því miður ekki eins holt.. kjúklingur og franskar.. jamms ég veit uss

En ég er ánægð.. viktin fór niður hjá mér.. og ég er alveg viss um að hún fari meir niður í næstu viku.

 

Gangi ykkur vel.

Já ég steig á viktina í dag.. og ég er sko alls ekki sátt   Viktin fór sko ekki niður .. hún fór upp   þyngdist um 200 grömm .  Og ég er ekki sátt.. en samt veit ég líka að þetta er mér að kenna.. jújú ég fór í ræktina.. en ég fékk mér líka nammi.. og svo fékk ég mér aðeins í tánna um helgina.

En jæja.. verð bara að halda áfram.. læt þetta ekki á mig fá

Ég fór í ræktina áðan.. svaka fínn tími ... held að ég muni ekki getað labbað á morgunn vegna verkja

En svona var svo mataræðið mitt..

mm: fruit'n fibre og lýsi

hm: geggjað gott sallat.. það er svo flottur satlatbarinn á staðnum sem ég er að vinna á.. namminamm.

Kaffi: 4 pönnsur.. úfff gat ekki staðist þær

km: 2 þriggja korna brauðsneiðar  með laxa sallati og mjólkurglas.

Já já.. ekkert svakalega hollt... en hey.. hollur morgunmatur og hádegismatur.. ég er á leiðinni í rétta átt .

Vona að viktin ykkar hafi verið góð .

 

Fór í ræktina í dag.

Fór eftir planinu sem þjálfarinn gerði fyrir mig.  Labbaði/skokkaði í 10 min og fór svo að lyfta.. það gekk vel og ætla ég að fylgja þessu prógrami næstu 3-4 vikunar, og svo þyngja.  Þegar ég var búin að lyfta þá hjólaði ég í 10 min.  Teygði svo vel eftir á. 

Þegar ég vaknaði í morgun fékk ég mér stórt vatnsglas. og svona leit svo dagurinn út :

mm. Fruit'n fibre og lýsi

hm. Fitty brauð með LL og osti og kókómjólk.

km. Subway skinka og kalkúnn í honey oat brauði með káli og honey mustard sósu.

Og er að drekka núna stórt vantsglas yfir TV.

Jamm ég veit.. allt of lítið sem ég er að borða... verð bara svo sjaldan svöng.. og þegar ég er ekki svöng þá er ekkert sem minnir mig á að borða mat.  

Var að skoða gamlar færslur mínar.. ótrúlega fyndið að 2 árum eftir að ég byrjaði er ég enþá að tala um hvað ég er gleymin að borða mat. 

Og mjög sorglegt ... eitt af elstu húsum bæjarins eru brunninn.. og alveg magnaður skemmtistaður um leið.  Hvar á ég að djamma næst þegar ég fer út ??

 

Gleðilegt sumar.. vona að það frjósi vel í nótt og að við fáum alveg magnað sumar

Jamms.. steig á viktina i dag. 

úfff ég er nefnilega lítið sem ekkert búin að hreyfa mig síðasta árið.. og sko bara alls ekki verið að spá neitt í mataræðinu.  Og það sást þegar ég steig á viktina.

úffffff.. ég er 106 kg.  Jamms búin að þyngjast um nær 15 kg síðan í nóv 2005.    úffff hugsa sér .. ef ég hefði bara asnast til að halda áfram á beinu brautinni þá væri ég pottþétt léttari í dag. 

Ég verð líka að vera duglegri að muna að borða, núna sit ég hérna í sófanum heima og er að hugsa um hvað ég er búin að borða í dag.  Í morgunmat fékk ég mér fruit 'n fibre ásamt lýsi.  það var kl 8 : 30 . svo fékk ég mér aftur að borða kl 13:00 þá fékk ég mér fitty brauð með osti og LL.  og svo fékk ég mér Pizzu í kvöldmat kl 19:00.  Hmm semsagt 3 máltíðir yfir allan daginn.. vá alls ekki gott. 

Semsagt.. ræktin á miljón plús að borða hollari mat og borða oftar.

Ætla að vera búin að missa amk 500 gr fyrir næstu viktun. Vona að það takist hjá mér.. hef bara aldrei verið svona þung á ævi minni..

Bless bless

Jæja ég lét verða að því.

Fór í World Class og keypti mér árskort, keypti líka árskort fyrir dóttur mína í Shook .  Hún er sko alveg að fíla sig þar.  Vill helst mæta daglega.  Sem er mjög gott vegna þess að ég fer alltaf með henni í ræktina.  Verð nú að viðurkenna að mig langaði ekki neitt sérstaklega mikið að æfa í World Class, en ég er bara virkilega ánægð að ég fór og keypti mér kort þar. 

Fór í dag og hitti þjálfara þar sem sýndi mér öll tækin og bjó til prógram fyrir mig.  Ætla að nota það 3svar í viku og brenna svo 1-2 svar í viku.

Svo er bara að fara að huga betur að mataræðinu, þá ætti þetta að koma smátt og smátt.

Hver veit nema ég verði bara fín í sumar þegar ég fer á ströndina.

Gangi ykkur vel í ræktinni þessa vikuna.

Ég ætla að mæla mig og mun svo koma með tölur á morgun.

Bless bless

 

Hefur einhver hérna náð árangri á því að stunda bara æfingar heima hjá sér ?  Þá með lóðum og fara eftir æfingarmyndböndum ?

Ég á sjálf mikið af æfingarmyndböndum.. og lóð og ég veit ekki hvað og hvað.. en einhvernveginn finnst mér það ekki vera eins og að fara í ræktina.

Ég fór út að dansa um helgina.. og ég dansaði alveg eins og óð kona.. og daginn eftir var ég með strengi í líkamanum.. greinilegt að ég var að hreyfa mig.

Hvort haldið þið að það beri meiri árangur að borða morgunmat innan 30 min eftir að maður vaknar.. eða er í lagi að borða hann 3 tímum seinna ??

Jamms.. hef verið alveg svakalega ódugleg að hreyfa mig.. en reyndar fór ég eftir áramót og keypti mér kort í nýrri líkamsræktarstöð.. og er alveg svakalega ánægð þar.  Þar er haldið vel utan um mig og séð til þess að ég brenni reglulega og lyfti reglulega.  Ætla ekki að koma með neinar tölur strax inn.. þar sem ég hef þyngst.. en við því mátti alveg búast þar sem ég hef verið svo svakalega löt að hreyfa mig og löt að hugsa um matarræðið mitt.

Læt þetta duga í bili..snemma í rúmið í kvöld og ræktin á morgun.